OC – L’acadèmia mai anciana de poesia d’Euròpa, l’Acadèmia dels Jòcs Florals de Tolosa, acaba de revelar las resultas del seu concors annual. E tres escolans del collègi Fabre foguèron seleccionats per lor poèma en occitan ! Amandine Teffo (4°5), Prune Lacoste (4°5) e Lancelot Saint Girons (3°5) seràn recebuts dins la magnifica sala dels Illustres del Capitòli de Tolosa per la prestigiosa acadèmia al mes de mai per legir lors poèmas e recebre lor medalha.

            Amandine Teffo e Prune Lacoste evoquèron dins lor poèma comun las emocions universalas que tot lo monde pòt aver fàcia la guèrra e las siás calamitats, fasent en partida referéncia al contèxte actual mas tanben mai largament a totes los patiments sofèrts long dels sègles pels umans. Lancelot Saint Girons, el, trabalhèt a partir d’un vèrs del celèbre poèta Jansemin ((Agen 1798-1864) e desvelopèt las nocions del dòl e de l’etèrne retorn de la vida e de la mòrt, en prepausant de far d’aquesta experiéncia, a priori dolorosa, una motivacion per quèrre lo bonur.

            L'Acadèmia dels Jòcs Florals foguèt creada en 1323 per sèt trobadors dins la tòca de manténer las cançons poeticas occitanas de l’Edat Mejana. Mas, amb lo temps, e subretot la pression reiala, l’acadèmia passa al francés e fa quasi desaparéisser l’occitan dels seus concors. Çaquelà, a la debuta del sègle XX, lo prèmi Nobel de literatura Frederic Mistral i tornèt introdusir l’occitan e duèi las doas lengas i son onoradas e celebradas cada annada.

            Lo Collègi Fabre complimenta aquestes tres collegians de la seccion Bilingüa Occitan per aquela polida recompensa. Òsca, poètas !

FR – La plus ancienne académie de poésie d’Europe, l’Académie des Jeux Floraux de Toulouse, vient de révéler les résultats de son concours annuel. Et trois élèves du collège Fabre ont été sélectionnés pour leur poème en occitan ! Amandine Teffo (4°5), Prune Lacoste (4°5) et Lancelot Saint Girons (3°5) seront reçus dans la magnifique salle des Illustres du Capitole de Toulouse par la prestigieuse académie au mois de mai pour y lire leurs poèmes et y recevoir leur médaille.

            Amandine Teffo et Prune Lacoste ont évoqué dans leur poème commun les émotions universelles que l’on peut avoir face à la guerre et à ses calamités, faisant en partie référence au contexte actuel mais aussi plus largement à toutes les souffrances endurées de tout temps par les humains. Lancelot Saint Girons, quant à lui, a travaillé à partir d’un vers du célèbre poète occitan Jasmin (Agen 1798-1864) et a développé les notions du deuil et de l’éternel retour de la vie et de la mort, en proposant de faire de cette expérience, a priori douloureuse, une motivation pour chercher le bonheur.